ਜੈਪੁਰ ਦੇ ਸਵਾਈ ਮਾਨਸਿੰਘ ਸਟੇਡੀਅਮ ‘ਚ ਅੱਜ ਰਾਜਸਥਾਨ ਰਾਇਲਜ਼ ਅਤੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਵਿਚਾਲੇ ਮੈਚ ਖੇਡਿਆ ਜਾਵੇਗਾ। ਦੁਪਹਿਰ 3.30 ਵਜੇ ਤੋਂ ਸ਼ੁਰੂ ਹੋਣ ਵਾਲੇ ਮੈਚ ਨੂੰ ਦੇਖਣ ਲਈ ਪ੍ਰਸ਼ੰਸਕਾਂ ਨੇ ਸਟੇਡੀਅਮ ਪਹੁੰਚਣਾ ਸ਼ੁਰੂ ਕਰ ਦਿੱਤਾ ਹੈ। 4 ਸਾਲ ਬਾਅਦ ਪ੍ਰਸ਼ੰਸਕ ਵਿਰਾਟ ਕੋਹਲੀ ਨੂੰ ਜੈਪੁਰ ‘ਚ ਖੇਡਦੇ ਦੇਖਣਗੇ। ਦੋਵੇਂ ਟੀਮਾਂ ਮੈਚ ਲਈ ਸਟੇਡੀਅਮ ਪਹੁੰਚ ਚੁੱਕੀਆਂ ਹਨ। ਇੱਥੇ ਮੈਚ ਤੋਂ ਪਹਿਲਾਂ ਦੋਵਾਂ ਟੀਮਾਂ ਦੇ ਖਿਡਾਰੀਆਂ ਨੇ ਸਟੇਡੀਅਮ ਵਿੱਚ ਜ਼ੋਰਦਾਰ ਅਭਿਆਸ ਕੀਤਾ।
ਕੋਲਕਾਤਾ ਨਾਈਟ ਰਾਈਡਰਜ਼ ਨੂੰ ਹਰਾ ਕੇ ਸ਼ਨੀਵਾਰ ਨੂੰ ਜੈਪੁਰ ਪਹੁੰਚੀ ਰਾਜਸਥਾਨ ਰਾਇਲਜ਼ ਦੀ ਟੀਮ ਦਾ ਏਅਰਪੋਰਟ ‘ਤੇ ਸਵਾਗਤ ਕੀਤਾ ਗਿਆ। ਇਸ ਤੋਂ ਬਾਅਦ ਟੀਮ ਸਖ਼ਤ ਸੁਰੱਖਿਆ ਵਿਚਕਾਰ ਹੋਟਲ ਜੈ ਮਹਿਲ ਪੈਲੇਸ ਪਹੁੰਚੀ। ਜਿੱਥੇ ਜੌਸ ਬਟਲਰ, ਯਸ਼ਸਵੀ ਜੈਸਵਾਲ, ਰਵੀਚੰਦਰ ਅਸ਼ਵਿਨ ਅਤੇ ਟੀਮ ਦੇ ਹੋਰ ਖਿਡਾਰੀਆਂ ਨੇ ਜ਼ੋਰਦਾਰ ਅਭਿਆਸ ਕੀਤਾ। ਇਸ ਤੋਂ ਬਾਅਦ, ਰਾਜਸਥਾਨ ਰਾਇਲਜ਼ ਦੀ ਯਸ਼ਸਵੀ ਜੈਸਵਾਲ ਨੇ ਪੂਲ ਸਾਈਟ ‘ਤੇ ਜੋ ਰੂਟ ਅਤੇ ਜੋਸ ਬਟਲਰ ਨਾਲ ਸੈਲਫੀ ਲਈ।
ਇਸ ਦੌਰਾਨ ਦੋਵਾਂ ਖਿਡਾਰੀਆਂ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਤੋਂ ਇਕ-ਦੂਜੇ ਦੀਆਂ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ। ਸ਼ਨੀਵਾਰ ਸ਼ਾਮ ਨੂੰ ਰਾਜਸਥਾਨ ਰਾਇਲਜ਼ ਦੇ ਟੀਮ ਮੈਂਬਰਾਂ ਨੇ ਮੈਦਾਨ ‘ਤੇ ਟੀਮ ਮੀਟਿੰਗ ਕੀਤੀ ਅਤੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦੇ ਖਿਲਾਫ ਮੈਚ ਲਈ ਰਣਨੀਤੀ ਤਿਆਰ ਕੀਤੀ। ਇਸ ਦੌਰਾਨ ਟੀਮ ਦੇ ਮੈਂਟਰ ਕੁਮਾਰ ਸੰਗਾਕਾਰਾ, ਲਸਿਥ ਮਲਿੰਗਾ ਅਤੇ ਕਪਤਾਨ ਸੰਜੂ ਸੈਮਸਨ ਨੇ ਮੈਦਾਨ ਦਾ ਮੁਆਇਨਾ ਕੀਤਾ।
ਇਹ ਵੀ ਪੜ੍ਹੋ : ਬੰਗਲਾਦੇਸ਼ ਨਾਲ ਟਕਰਾਇਆ ‘ਮੋਕਾ’ ਤੂਫ਼ਾਨ: ਆਇਰਲੈਂਡ ਡੁੱਬਣ ਦਾ ਖ਼ਤਰਾ, ਦੇਸ਼ ਦੇ 3 ਰਾਜਾਂ ‘ਚ ਅਲਰਟ
ਰਾਇਲ ਚੈਲੰਜਰਜ਼ ਬੰਗਲੌਰ ਦੀ ਟੀਮ ਸ਼ੁੱਕਰਵਾਰ ਨੂੰ ਹੀ ਜੈਪੁਰ ਪਹੁੰਚੀ ਸੀ। ਇਸ ‘ਤੋਂ ਬਾਅਦ ਟੀਮ ਸ਼ਨੀਵਾਰ ਸ਼ਾਮ ਨੂੰ ਸਵਾਈ ਮਾਨਸਿੰਘ ਸਟੇਡੀਅਮ ਪਹੁੰਚੀ। ਏਅਰਪੋਰਟ ‘ਤੇ ਉਨ੍ਹਾਂ ਦੀ ਇਕ ਝਲਕ ਪਾਉਣ ਲਈ ਵੱਡੀ ਗਿਣਤੀ ‘ਚ ਪ੍ਰਸ਼ੰਸਕ ਇਕੱਠੇ ਹੋਏ। ਇਸ ਦੌਰਾਨ RCB ਦੇ ਖਿਡਾਰੀ ਸਖ਼ਤ ਸੁਰੱਖਿਆ ਵਿਚਕਾਰ ਰੇਲਵੇ ਸਟੇਸ਼ਨ ਸਥਿਤ ਹੋਟਲ ਰਾਜਪੂਤਾਨਾ ਸ਼ੈਰਾਟਨ ਪੁੱਜੇ ਸਨ। ਜਿੱਥੇ ਉਨ੍ਹਾਂ ਦਾ ਰਾਜਸਥਾਨੀ ਅੰਦਾਜ਼ ਵਿੱਚ ਸਵਾਗਤ ਕੀਤਾ ਗਿਆ।
ਵੀਡੀਓ ਲਈ ਕਲਿੱਕ ਕਰੋ -:
“12 ਵੀ ਪਾਸ ਜੱਟ ਨੇ SHARE MARKET ‘ਚ ਪਾਈ ਧੱਕ , ਇੱਕ ਦਿਨ ‘ਚ ਕਮਾ ਲੈਂਦਾ ਲੱਖਾਂ ਰੁਪਏ ! “
