ਹੈਂਡਲੂਮ ਦਿਵਸ ਤੋਂ ਇੱਕ ਦਿਨ ਪਹਿਲਾਂ, ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵੀਰਵਾਰ ਨੂੰ ਲੋਕਾਂ ਨੂੰ ਹੈਂਡਲੂਮ ਉਤਪਾਦ ਖਰੀਦਣ ਅਤੇ ਉਨ੍ਹਾਂ ਪ੍ਰਤੀ ਦੁਨੀਆ ਦਾ ਧਿਆਨ ਲਈ ਵੀਡੀਓ ਬਣਾਉਣ ਦੀ ਅਪੀਲ ਕੀਤੀ। ਇਸ ਨਾਲ ਦੇਸ਼ ਦੇ ਬੁਣਕਰਾਂ ਅਤੇ ਛੋਟੇ ਵਪਾਰੀਆਂ ਨੂੰ ਮਦਦ ਮਿਲੇਗੀ।
ਪ੍ਰਧਾਨ ਮੰਤਰੀ ਮੋਦੀ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ ‘ਤੇ ਇੱਕ ਵੀਡੀਓ ਪੋਸਟ ਕੀਤਾ। ਇਸ ਵਿੱਚ ਉਨ੍ਹਾਂ ਨੇ ਕਿਹਾ ਕਿ “7 ਅਗਸਤ ਨੂੰ, ਅਸੀਂ ਰਾਸ਼ਟਰੀ ਹੈਂਡਲੂਮ ਦਿਵਸ ਮਨਾਉਂਦੇ ਹਾਂ। ਆਓ ਭਾਰਤ ਦੇ ਹੈਂਡਲੂਮ ਦੀ ਵੰਨ-ਸੁਵੰਨਤਾ ਨੂੰ ਪ੍ਰਸਿੱਧ ਕਰੀਏ। ਆਪਣੇ ਮਨਪਸੰਦ ਹੈਂਡਲੂਮ ਉਤਪਾਦਾਂ ਦੇ ਵੀਡੀਓ ਬਣਾਓ, ਜਿਸ ਵਿੱਚ ‘ਗੇਟ ਰੈਡੀ ਵਿਦ ਮੀ- ਵੀਡੀਓ ਸ਼ਾਮਲ ਹਨ ਅਤੇ ਉਨ੍ਹਾਂ ਨੂੰ ਇੰਟਰਨੈੱਟ ‘ਤੇ ਸਾਂਝਾ ਕਰੋ।”
ਪ੍ਰਧਾਨ ਮੰਤਰੀ ਨੇ ਲੋਕਾਂ ਨੂੰ ਯਾਦ ਦਿਵਾਇਆ ਕਿ ਅੰਗਰੇਜ਼ਾਂ ਵਿਰੁੱਧ ਸਵਦੇਸ਼ੀ ਅੰਦੋਲਨ 7 ਅਗਸਤ, 1905 ਨੂੰ ਸ਼ੁਰੂ ਹੋਇਆ ਸੀ, ਜਿਸ ਨੇ ਦੇਸ਼ ਦੇ ਸਾਰੇ ਲੋਕਾਂ ਨੂੰ ਇੱਕਜੁੱਟ ਕੀਤਾ ਸੀ। ਉਨ੍ਹਾਂ ਕਿਹਾ, “ਪਿਛਲੇ ਹਫ਼ਤੇ ਹੀ, ਤੁਸੀਂ ਸਾਰਿਆਂ ਨੇ ਫ੍ਰੈਂਡਸ਼ਿਪ ਡੇ ਮਨਾਇਆ। ਮੈਂ ਤੁਹਾਨੂੰ ਬੇਨਤੀ ਕਰਦਾ ਹਾਂ ਕਿ 7 ਅਗਸਤ ਨੂੰ ਹੈਂਡਲੂਮ ਦਿਵਸ ਬਹੁਤ ਉਤਸ਼ਾਹ ਨਾਲ ਮਨਾਇਆ ਜਾਵੇ।”
ਇਹ ਵੀ ਪੜ੍ਹੋ : BJP ‘ਚ ਮਨਪਸੰਦ ਲੀਡਰ ਕੌਣ? ਰਾਹੁਲ ਗਾਂਧੀ ਨੇ ਦਿੱਤਾ ਹੈਰਾਨ ਕਰਨ ਵਾਲਾ ਜਵਾਬ, ਵਜ੍ਹਾ ਵੀ ਦੱਸੀ
ਦੁਨੀਆ ਭਰ ਦੇ ਲੋਕਾਂ ਦਾ ਧਿਆਨ ਹੈਂਡਲੂਮ ਉਤਪਾਦਾਂ ਵੱਲ ਖਿੱਚਣ ਲਈ ਸਾਰਿਆਂ ਨੂੰ ਛੋਟੀਆਂ ਵੀਡੀਓ ਬਣਾਉਣ ਅਤੇ ਉਨ੍ਹਾਂ ਨੂੰ ਆਨਲਾਈਨ ਸਾਂਝਾ ਕਰਨ ਦੀ ਅਪੀਲ ਕਰਦੇ ਹੋਏ, ਪੀ.ਐੱਮ. ਮੋਦੀ ਨੇ ਕਿਹਾ ਕਿ ਇਸ ਦਾ ਉਦੇਸ਼ ਭਾਰਤ ਨੂੰ ਸਵੈ-ਨਿਰਭਰ ਬਣਾਉਣਾ ਅਤੇ ਬੁਣਕਰਾਂ ਅਤੇ ਛੋਟੇ ਉੱਦਮਾਂ ਦੀ ਵਿੱਤੀ ਤੌਰ ‘ਤੇ ਮਦਦ ਕਰਨਾ ਹੈ। “ਆਓ ਆਪਾਂ ਹੈਂਡਲੂਮ ਖਰੀਦੀਏ ਅਤੇ ਬੁਣਕਰਾਂ ਅਤੇ ਛੋਟੇ ਵਪਾਰੀਆਂ ਦੀ ਮਦਦ ਲਈ ਵੀਡੀਓ ਬਣਾਈਏ,” ਉਨ੍ਹਾਂ ਕਿਹਾ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .
