ਅਰਬਪਤੀ ਐਲੋਨ ਮਸਕ ਨੇ ਟਵਿੱਟਰ ਦੇ ਨਵੇਂ ਸੀਈਓ ਦੇ ਨਾਂ ਦਾ ਐਲਾਨ ਕਰ ਦਿੱਤਾ ਹੈ। ਟਵਿੱਟਰ ਦੇ ਮਾਲਕ ਮਸਕ ਨੇ ਸ਼ੁੱਕਰਵਾਰ (12 ਮਈ) ਨੂੰ ਟਵੀਟ ਕੀਤਾ, “ਮੈਂ ਟਵਿੱਟਰ ਦੇ ਨਵੇਂ ਸੀਈਓ ਵਜੋਂ ਲਿੰਡਾ ਯਾਕਾਰਿਨੋ ਦਾ ਸਵਾਗਤ ਕਰਨ ਲਈ ਉਤਸੁਕ ਹਾਂ।” ਲਿੰਡਾ ਮੁੱਖ ਤੌਰ ‘ਤੇ ਕਾਰੋਬਾਰੀ ਸੰਚਾਲਨ ‘ਤੇ ਧਿਆਨ ਦੇਵੇਗੀ, ਜਦੋਂ ਕਿ ਮੈਂ ਪ੍ਰੋਡਕਟ ਡਿਜ਼ਾਈਨ ਅਤੇ ਨਵੀਂ ਤਕਨਾਲੋਜੀ ‘ਤੇ ਧਿਆਨ ਕੇਂਦਰਤ ਕਰਾਂਗਾ। ਪਲੇਟਫਾਰਮ ਨੂੰ ਆਲ ਥਿੰਗਜ਼ ਐਪ ‘X’ ਵਿੱਚ ਬਦਲਣ ਲਈ ਲਿੰਡਾ ਨਾਲ ਕੰਮ ਕਰਨ ਲਈ ਬੇਚੈਨ ਹਾਂ।”
ਇਸ ਤੋਂ ਪਹਿਲਾਂ, ਮਸਕ ਨੇ ਇੱਕ ਹੋਰ ਟਵੀਟ ਵਿੱਚ ਐਲਾਨ ਕੀਤਾ ਸੀ ਕਿ ਉਸ ਨੇ X/Twitter ਲਈ ਇੱਕ ਨਵੇਂ ਸੀਈਓ ਨੂੰ ਨਿਯੁਕਤ ਕੀਤਾ ਹੈ। ਉਸ ਨੇ ਦੱਸਿਆ ਕਿ ਨਵਾਂ ਸੀਈਓ 6 ਹਫ਼ਤਿਆਂ ਵਿੱਚ ਕੰਮ ਸ਼ੁਰੂ ਕਰ ਦੇਵੇਗਾ। ਮਸਕ ਮੁਤਾਬਕ ਉਸਦੀ ਭੂਮਿਕਾ ਕਾਰਜਕਾਰੀ ਚੇਅਰਮੈਨ ਅਤੇ ਸੀਟੀਓ ਵਜੋਂ ਹੋਵੇਗੀ, ਉਤਪਾਦ, ਸਾਫਟਵੇਅਰ ਅਤੇ ਸਿਸਟਮ ਆਪਰੇਟਰਾਂ ਦੀ ਨਿਗਰਾਨੀ ਕਰੇਗੀ।
ਲਿੰਡਾ ਯਾਕਾਰਿਨੋ ਕੌਣ ਹੈ?
ਲਿੰਡਾ ਯਾਕਾਰਿਨੋ ਦਾ ਨਾਂ ਪਹਿਲਾਂ ਹੀ ਟਵਿਟਰ ਦੇ ਸੀਈਓ ਦੀ ਦੌੜ ਵਿੱਚ ਚੱਲ ਰਿਹਾ ਸੀ। ਉਸਦੀ ਲਿੰਕਡਇਨ ਪ੍ਰੋਫਾਈਲ ਮੁਤਾਬਕ ਯਾਕਾਰਿਨੋ 2011 ਤੋਂ NBC ਯੂਨੀਵਰਸਲ ਨਾਲ ਕੰਮ ਕਰ ਰਹੀ ਹੈ। ਉਹ ਇਸ ਵੇਲੇ ਉਸ ਦੀ ਭੂਮਿਕਾ ਚੇਅਰਪਰਸਨ, ਗਲੋਬਲ ਐਡਵਰਟਾਈਜ਼ਿੰਗ ਅਤੇ ਪਾਰਟਨਰਸ਼ਿਪਸ ਦੀ ਹੈ। ਇਸ ਤੋਂ ਪਹਿਲਾਂ ਉਸ ਨੇ ਕੰਪਨੀ ਦੇ ਕੇਬਲ ਐਂਟਰਟੇਨਮੈਂਟ ਅਤੇ ਡਿਜੀਟਲ ਐਡਵਰਟਾਈਜ਼ਿੰਗ ਸੇਲਜ਼ ਡਿਵੀਜ਼ਨ ਲਈ ਕੰਮ ਕੀਤਾ ਹੈ।
ਇਹ ਵੀ ਪੜ੍ਹੋ : ‘ਜੱਜ ਆਖਦੈ ਇਮਰਾਨ ਸਾਬ੍ਹ ਨੂੰ ਵੇਖ ਖੁਸ਼ੀ ਹੋਈ, ਇਹ ਕਿਹੋ ਜਿਹੀ ਅਦਾਲਤ’, PM ਸ਼ਾਹਬਾਜ਼ ਨੇ SC ‘ਤੇ ਚੁੱਕੇ ਸਵਾਲ
ਯਾਕਾਰਿਨੋ ਨੇ ਟਰਨਰ ਕੰਪਨੀ ਲਈ 19 ਸਾਲਾਂ ਤੱਕ ਕੰਮ ਵੀ ਕੀਤਾ। ਉਸ ਨੇ 1981 ਤੋਂ 1985 ਤੱਕ ਪੇਨ ਸਟੇਟ ਯੂਨੀਵਰਸਿਟੀ ਵਿੱਚ ਪੜ੍ਹਾਈ ਕੀਤੀ। ਉਸ ਨੇ ਲਿਬਰਲ ਆਰਟਸ ਅਤੇ ਦੂਰਸੰਚਾਰ ਵਿਸ਼ਿਆਂ ਵਿੱਚ ਪੜ੍ਹਾਈ ਕੀਤੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“12 ਵੀ ਪਾਸ ਜੱਟ ਨੇ SHARE MARKET ‘ਚ ਪਾਈ ਧੱਕ , ਇੱਕ ਦਿਨ ‘ਚ ਕਮਾ ਲੈਂਦਾ ਲੱਖਾਂ ਰੁਪਏ ! “
